Bileje bagtly bolaly

Söwer ýarym gel ýanyma
Bileje bagtly bolaly
Söýgi bilen gel bagryma
Bileje bagtly bolaly

Söýgi bilen döredeli
Uly maşgala bolaly
"Ýok" diýmegin  başaraly
Bileje bagtly bolaly

Ýagtylanar ajap dünýäm
Sensiň meniň dünýä-malym
Doldur meniň giň gujagym
Bileje bagtly bolaly

Bu ýüregim saňa gurban
Seň söýgiň derdime derman
Gel ýanyma pikir etmän
Bileje bagtly bolaly

Diýjek sözüm bardyr saňa
Beräýsene mähir maňa
Berip menem bagty saňa
Bileje bagtly bolaly

JUMAMYRAT ANNAMYRADOW
21.05.2023ý