Pyragynyň ýolunda

("Pyragynyň ýolunda"goşgylar ýygyndysyndan)

Ylahyly,pelsepeli,manyly,
Goşug ýazsam Pyragynyň ýolunda.
Her bir sözleminden alyp manyny,
Nama düzsem Pyragynyň ýolunda.

Sungat äleminde sensiň ulymyz,
Hemişe bolarsyň Magtymgulymyz.
Şygyrlaňda aýdyň,dogry ýolumyz.
Menem gezsem Pyragynyň ýolunda.

Aýt Pyragy!
Asyl özüň "Näme sen?"
Henizlerem dilden düşmez nama sen.
Pikir derýasynda akyl gämisin,
Men ýüzdürsem Pyragynyň ýolunda.

Dünýeden daşlaşyp bolduň pyragy
Bolduň türkmenleriň ruhy çyragy
Işledip elde däl sözde ýaragy
Jana dözsem Pyragynyň ýolunda

Onuň ýoly başartmaýar bilýänle
Garaz gowy goşgy ýazjak bolýanda
Mundan rahat gider ýaly bolmanda
Nokat çyzsam Pyragynyň ýolunda

Gerçeknazar Amannazarow

(21.03.2023)