Ejem barka

Gülseñ dünýäm gözelleşýär
Nep taparyn ömre ýarka.
Ýürek söýgä bileleşýär,
Ýüzi nurly ejem barka.

Sag gezerin Käbäm her çak,
Dileg-dogalaryñ barka.
Arkamdan sünjülse pyçak,
Ýaram bolmaz ejem barka.

Gözlegiñde kalby syzlar,
Şatlyk berip agy gizlär,
Uzak ýerde seni yzlar.
Aladamda ejem barka.

Arzuw edip uly durmuş,
Emma seniñ saçyñ çalka.
Janym Käbäm sen garrama,
Ulaljak däl ejem barka.

Elden tutyp ýörjen-ýörjen,
Akideñde baky bagta.
Öz ömrümden üstün görjek,
"Oglum" diýýän ejem barka.

Mydam söýjek ynsanyñdyr,
Mähri dolduran janyñdyr,
Ýükiñ çeken mydaryñdyr,
Keramatym Käbäm barka.
Seni söýýän ejeñ barka.

Jemşit Hajymämmedow