Kadyr Alla bize enaet etmiş,
Gabyr içinde bize bardyr bu roza.
Külli günälere keffarat etmiş,
Syrat üzre medetkärdir bu roza.

Tutgul muny sydky-yhlasyñ bile,
Dowzah içre külli azapdan ýuwla,
Kabul etse zekat-salwatyñ bile,
Owwal kyn oýlarda ýardyr bu roza.

Hem hoş surat-ziba bolup görüne,
Perwa kylyp mömün guluñ gö:rüne,
Delalat eýleýip ahyr kärine,
Aýşy-aşret hem rahatdyr bu roza.

Eger berseñ roza-pitre edasyn,
Magşarda görer sen rahat saýasyn,
Terk eýleseñ, tutawergil kazasyn,
Behişt içre murgzardyr bu roza.

Parz eýledi bize Kadyry Jepbar,
Kim terk etse bolar bi dinu, betkär,
Ataşy-dowzaha bolar giriftar,
Efgaly huplara ýardyr bu roza.

Adam ogly, gapyl olma, tutawer,
Toba eýläp, ýaman ýoldan gaýdawer,
Tä ölinçäñ Hak gullugyn edewer,
Tutanlarga köp rahatdyr bu roza.

Magtymguly, terk eýleme edasyn,
Terk eýleseñ, tutawergin kazasyn,
Magnysyna ýetip, bilseñ mazasyn,
Ajap pişe, ajap kärdir bu roza.