Galam hakykaty ýaz mydam

Ýene elde galam içim dökeýin,
Ýalançy dünýãde dogrym hyrydar.
Eden günäm egnim bilen çekeýin,
Sen bir galam hakykaty ýaz mydam.

Duşman däl-de gazanjak bol dostlugy,
Ýalançy dost bermez saña rastlygy,
Rysgyñ gelse çekip bilsen mesligi,
Bilip galam hümmetini ýaz mydam.

Galdyrjak bol pesde görseñ bir başy,
Gysgalmaz tanabyñ, gysganma aşy,
Diläp bilseñ dile ýüz däl müñ ýaşy,
Ýaz sen galam kalbyñdakyn ýaz mydam.

Çepiñde urýaka ýumruk deý ýürek,
Hakykaty görmek, eşitmek gerek,
Şonda-da dogryny ýalana derek,
Bukma galam hakykaty ýaz mydam.

Galam ýazar kalba ýazarla welin,
Esas pozman sakla ömrüñe delil,
Emma bir pursatda tükense zemin,
Giç bolar häzirden dogryñ ýaz mydam.

Jemşit Hajymämmedow