Ýazgarmaň,
Goý, ýalňyşsyn çagalar,
Ýalňyşlara ýalňyşyplar aň alar,
Ýalňyşsalar, çagalykdan aýňalar,
Ýazgarmaň!

Ýazgarmaň,
Goý, öpüşsin aşyklar,
Märekäň öňünde hetden aşyplar,
Köp bolsun, bolsa-da ýalan aşyklar,
Ýazgarmaň!

Eneler doňbagyr bolsa bolsunlar,
Atalar doňýürek bolsa bolsunlar,
Gül çagalar, goý, solsalar solsunlar,
Ýazgarmaň!

Ýazgarmaň,
Ýarlarňyz baksa-da özgä,
Söýmeýän ýürekdir, ýazgarma dözýän,
Sen wepaly bolsaň, sen söýýän bolsaň,
Ýazgarma!

Düşünjek bolalyň, birek-biregiň,
Biz ahyry owal-ahyr geregi.
Howlukmalyň, hijem birek-biregi,
Ýazgarma...

Laçyn Pürjäýewa
13.02.2001ý.