"Meni söýýäñmi?" diýp menden sorama,
Dözüp bilseñ ýarda, kalbymdan sora.
Sen menden özüñi gizläp, gorama,
Ykbala gum guýjak salgymdan goran.

Basha gelse aýralygam çekiler,
Onuñ ýazgydyna gurbatym ejiz...
Ýöne entek mähriñ bilen ekilen,
Guramady söýgi daragtyñ heniz!

Entek bujagazlar nämemish asyl?
Biziñ göreshmeli günlermiz ýatyr.
Bir señ bilen bile ederin hasyl,
Arzuwlar, hyýallar... bir giden setir.

"Gitme" diýip ýalbarmaryn, kiçelmen,
Shemaly el bilen tutup bolarmy?!
Görýän bolsañ geljegiñi bashgada,
Gidiber...
Dilärin bagtly bolanñy.

Shyhnazar Durdyýew.