Ýürekde döränsoň söýgüniň yşgy,
Menem şygyrýetden döretdim köşgi,
Neneň onsoň joşup ýazmaýyn goşgy,
Wyjdanym oýaryp seslenip durka.

Ne gijäni bilýär gündizi bilýär,
Kölegämdeý hakyt ýanymdan gelýär ,
Özüçe kazydeý soraglan bolýar,
Wyjdanym oýaryp seslenip durka.

Aglanyň ýanynda aglajak bolýar,
Kä beýnim duýgymy aldajak bolýar,
Diň salyp kä ony aňlajak bolýan,
Wyjdanym oýaryp seslenip durka.

Käte öz özümden gaçýar höwesim,
Gelipdurla kä taryplap öwesim,
Niçk goýdursamkam ýüregmiň sesin,
Wyjdanym oýaryp seslenip durka.

Göwne degen bolsam baryp ýoklaýyn,
Toba edip özüm oda oklaýyn,
Gijelerne niçk rahat uklaýyn,
Wyjdanym oýaryp seslenip durka.

Günler geçip durla mysaly akym,
Bir günem ölmeli däldir bu çakym,
Iýip bilmez hiç kim özgäniň hakyn,
Wyjdany oýaryp seslenip dursa.

Uzak ýol dostlarňa elberip bolýa,
Ýagşylaň yzlarna eýgerip bolýa,
Halaly haramdan saýgaryp bolýa,
Wyjdanyň oýaryp seslenip durka.

Şonuň üçin düşýän mydam oda men,
Gözläp tapylmadyk täsin ada men,
Elim galam tutsa ýazyp ýadaman,
Wyjdanym oýaryp seslenip durka.

Süleýman Tekäýew