Girdim yşgyň köşgüne,
Beslendi öwüşgüne,
Ýanyp gyzyň yşgyna,
Ýürek söýgä duş bu gün.

Mähir gördüm gözünde,
Sypaýylyk sözünde,
Söýgiň bahar ýazynda,
Akylym beýhuş bu gün.

Ýagşy pursat peýledi,
Bir men bilýän neýledi,
Yşkdan sermest eýledi,
Ýüregim serhoş bu gün.

Nämeler bar alnymda,
Synada ot ýalynda,
Hak söýgüniň ýolunda,
Menem bir derwuş bu gün.

Ýürek ýary saýlaram,
Ýansa ýanar neýlärem,
Ajap adyn söýlärem,
Gözlerimde ýaş bu gün.

Arzyladyp roýuňy,
Aldyň pikir oýumy,
Gözläp tapdym taýymy,
Syrym ile paş bu gün.

Süleýman Tekäýew