Ruhy dünýämiň şahyry
BU ŞÄHERDE
Bu şäherde üýtgeşik bir bagt bar,
Penjiresi yşyk saçýar her öýüň.
…Halys öwrenşemok bu seýrek bagta,
Meni şu şäherden çykaryp kowuň.
Köçelerde gatnaw-gatnaw adamlar,
Nirden gelip,
Nirä barýar –
bilen ýok.
Menem biri taşlap gitdi şu ýere,
Kimdigini, nirdeligni bilemok.
Sowuldy jebirli günleriň ýasy,
Gopup gitdi ýaralaryň kesmegi.
Tenha köçeleriň diwarlaryna
Siňipdir sergezdan itleň sesleri.
Sany-sajagy ýok jogapsyz jaňlaň,
Islemeýän ýakyn dostdan haraýam.
(Meni çyn ýürekden söýen adamlar,
Siziň ähliňizden ötünç soraýan).
Birmeňzeş günleriň sagady durdy.
Ähli otaglardan öz sesim gelýär.
Ýüregimde bir hassalyk bar, dogan:
Kimi söýsem şondan gidesim gelýär.
Begençgeldi ORAZOW.
Bu şäherde üýtgeşik bir bagt bar,
Penjiresi yşyk saçýar her öýüň.
…Halys öwrenşemok bu seýrek bagta,
Meni şu şäherden çykaryp kowuň.
Köçelerde gatnaw-gatnaw adamlar,
Nirden gelip,
Nirä barýar –
bilen ýok.
Menem biri taşlap gitdi şu ýere,
Kimdigini, nirdeligni bilemok.
Sowuldy jebirli günleriň ýasy,
Gopup gitdi ýaralaryň kesmegi.
Tenha köçeleriň diwarlaryna
Siňipdir sergezdan itleň sesleri.
Sany-sajagy ýok jogapsyz jaňlaň,
Islemeýän ýakyn dostdan haraýam.
(Meni çyn ýürekden söýen adamlar,
Siziň ähliňizden ötünç soraýan).
Birmeňzeş günleriň sagady durdy.
Ähli otaglardan öz sesim gelýär.
Ýüregimde bir hassalyk bar, dogan:
Kimi söýsem şondan gidesim gelýär.
Begençgeldi ORAZOW.
9комментариев
Чтобы оставить комментарий, необходимо на сайте.
