Bu şäherde üýtgeşik bir bagt bar,
Penjiresi yşyk saçyar her öyüň.
...Halys öwrenşemok bu seýrek bagta,
Meni şu şäherden çykaryp kowuň.

Köçelerde gatnaw-gatnaw adamlar,
Nirden gelip, Nirä barýar - bilen yok.
Menem biri taşlap gitdi şu ýere,
Kimdigini, nirdeligni bilemok.

Sowuldy jebirli günleriň ýasy,
Gopup gitdi ýaralaryň kesmegi.
Tenha köçeleriň diwarlaryna
Siňipdir sergezdan itleň sesleri.

Sany-sajagy ýok jogapsyz jaňlaň,
Islemeýän ýakyn dostdan haraýam.
(Meni çyn yürekden söyen adamlar,
Sizin ählinizden ötünç soraýan).

Birmeňzeş günleriň sagady durdy.
Ähli otaglardan öz sesim gelýär.
Ýüregimde bir hassalyk bar, dogan:
Kimi söysem şondan gidesim gelýär.

Begençgeldi ORAZOW