Edebiýat

Garlawaç 01 окт 2023, 00:16

Aýgül Garaýewadan süýji goşgular ?

Ýüregim ýüregiň elinden tutup...
Ýa-da, tersine!
Ýüregiň ýüregmiň elinden tutup,
Ylgasady,
ýöresedi,
dursady!
Günlerem süýjije-süýjije ötüp,
Elmydama gülkim tutup dursady.

Gülemde-de süýji gözýaş dökülip,
Göriplerem «aglaýandyr» diýseler.
Hemem saňa ynansadym şeýle bir,
Geň görsedim,
«aldaýandyr» diýseler.

Süýji ýaly togalak däl gözlerim,
Oňa derek togalak bu ene ýer.
Togalak däl, süzük gözli bolsamam,
Ahyr nesip eder süýji seneler.

Men bir ýöne süýji düýşleň eýesi,
Senem şol düýşlemden atylyp çykan.
Belki, şeýdip söýübersek süýjini,
Ol bagtymyz bala batyryp çykar?!

Süýji zatlaň uzak bormuş möhleti,
Goý, bize-de şeýle ýollar açylsyn.
Günlermizi süýjä doňdursyn wagt,
Ýogsa-da, olary bala gaçyrsyn!..

Aýgül Garaýewa

5 лайков 445 просмотров

Статистика

Garlawaç

Сообщение

14комментариев

Чтобы оставить комментарий, необходимо на сайте.

Garlawaç

Автор 01 окт 2023, 00:18

SALMA MENI KAPASA

Salma meni kapasa.
Dar dünýä salma meni...
Ykbalymy çözjek bolup,
Ganatlarmy döwjek bolup,
Gowy bolmaz maňa-saňa,
Kapasa ýasama maňa.

Meniň göwnüm ho-ol asmanda,
Işim ýok ýöremek bilen.
Senem menden yşk tapmarsyň,
Kapasaňda görmek bilen.

«Ekdi bolmaz gurt çagasy»,
Gola sygmaz däli deňiz.
...Ýa-da sal meni kapasa,
Baran ýerim meňki meniň.
Kapasaňa ýaz getirip,
güller ekip görkezeýin! ?

Garlawaç

Автор 01 окт 2023, 00:21

MENI TANAÝAN BOLSAŇ SEN

Meni tanaýan bolsaň sen,
Suratyn çek ýüregimiň.
Suratda sebäbi bolsun,
Meniň uçup ýörenimiň.

Çekip ber gülüň suratyn,
Hiç haçan solmaýan bolsun.
Çekip ber suwuňsuratyn,
Hiç haçan doňmaýan bolsun.

Çekip ber Günüň suratyn,
Sensiz hiç dogmaýan bolsun.
Çekip ber, seniň suratyň,
Mensiz hiç oňmaýan bolsun...???

Garlawaç

Автор 01 окт 2023, 00:24

DUÝGULARDAN ÝANA
DÖKÜLJEK BOLÝAN...

Duýgulardan ýana döküljek bolýan,
Püre-pür men, dos-doly men,
diri men!
Ah, şonda-da gözleriňe ilemok.
Başaramok ýüregiňe giribem.

Bulutlary demim bilen süýşürip,
Nurlar sepýän seniň duran ýerlerňe.
Ah, sen bolsa, «Ýagyş ýagýar» diýýäň-de,
Saýawan gözleýäň meniň deregme...

Onsoň pikir bolup, beýniňe girip,
Gygyryp-gygyryp, adymy aýdýan.
Ah, sen bolsa, taşlap ähli işiňi,
Ady menzeş gyzyň ýanyna gaýdýaň...

Şahyrlygmyň, duýgurlygmyň haýrynyň,
degmejek ýerlerem bolaýjak eken.
Alhepus, seniň deý kütek adamam,
Dogulaýjak eken, dogaýjak eken!

Garlawaç

Автор 01 окт 2023, 00:24

Ýollar meni sen ýanyňa äkider,
Näçe aýlaw, näçe çatryk bolsa-da..
Ýöne sen «Uzak-la?!» diýip, geň galma,
Bagtly ýollar kyn bolýandyr ýogsa-da.

Gowusy, meň sabrymdan sabyr böl-desen,
Öz sabryň üstüne sabyr sarap goý.
Hemem aýralyga göwün bölme sen,
Çykyp, zol-zol ýollaryma garap goý.

Men ak gyşda ak gar bolup bararyn.
Ýa, ýazda bararyn, meňzäp güllere,
Ýöne, sen ýadyňdan çykarma meni,
Hem göwnüňi berme özge dilbere.

Sen diňe garaşgyn, garaşgyn maňa.
Bir gün barýanymy aýdar ýagyşlar.
Men seni hiç zada deňäp bilmedim,
Senem meni hiç bir zada çalyşma! ???

Garlawaç

Автор 01 окт 2023, 00:25

Öz ýanymdan «Sen, sen...» diýip ýörşüme,
Ahyr bir gün saňa «gark» bolaryn men.?

Aýgül Garaýewa

Garlawaç

Автор 01 окт 2023, 00:28

Sen «Söýgi» diýilse, nämä düşünýäň?!
Şeýle bir bilesim gelýär pikriňi.
Men üçin-ä söýgi — seniň gözleriň,
Söýgi — seniň şol gözleriň kirpigi.

Söýgi — seniň aýaklaryň ädimi.
Söýgi — seniň gol uzadyp durmagyň.
Men dünýäň gurluşyn geň görüp ýörkäm,
Gelip, öz kalbymda dünýä gurmagyň.

Söýgi — seniň oýa batyp oturşyň.
Söýgi — seniň aýdýan, aýtjak sözleňem.
Men «söýgi» diýdim-de, saňa düşündim,
Mümkin, muny geň görýändir özgeler.

Mümkin, olar öz ýanyndan «Söýgi has
beýik ahyr!» diýýändirler, ähtimal...
Ýöne, menem peseldemok söýgini,
Sen söýgi dek beýge galdyň, Mähriban!

Garlawaç

Автор 01 окт 2023, 00:30

Şeýle bir ýürekdeş gürrüň edeli,
Bar zat hakda dogry pikir ýöredip.
Men-a saňa özümmikäm öýdeýin.
Senem özüňi gör, maňa seredip...

Meniň bu hyň berip duran kellämem,
Baş atyplar ýetişmesin sözüňe,
(Baş näme, janyňam bagyş etseň bor,
Saňa şeýle dünýäsini dözene).

Men goşgy ýazsamam «dymma» diýdiler,
«Gedemem» diýdiler, tanaman, bilmän.
Hemme üýşüp, meň göwnümi tapanok,
Men nädip taparkam göwnüni hemmäň?!...

Sen-ä «mydam görsem» diýýän, käte-de,
Senden başgalary görmäsim gelýär.
Gelsene, ýürekdeş gürrüň edeli,
Ah, meniň şeýle bir gürläsim gelýär.

Garlawaç

Автор 01 окт 2023, 00:31

MENEM BIR GÜN...

Menem bir gün köşeşerin, giňärin,
Dünýäniň hiç deňzi bolmaz topugma.
Çynym bilen joşup-joşup gürlärin,
Hiç kim meniň gürrüňlerme hopugmaz.?

Hiç kim meniň Aý doganda begenip,
Aý dolanda aglaýşymy geňlemez.
Hem ahyry şol goşgyny ýazaryn,
Meň ol goşgym hiç bir goşga meňzemez.

Ak-sary

01 окт 2023, 00:54

Sen birini ýada salýañ käteler
Men bolsa birini şol idäp ýörşüm

Sen birini ýada salýañ käteler
Gözleglerden ýaña tozupdyr köwşüm

Sen birini ýada salýañ käteler
Saçlam azalypmy,ötüpmi möwsüm?

Sen birini ýada salýañ käteler
Seni idäp ýyllañ ýyrtaryn göwsün

Sen birini yada salyañ käteler

Azasdym.

02 окт 2023, 13:15

Yarady sps?

Garlawaç

Автор 02 окт 2023, 16:32

Azasdym.,
Sps diýseler halamok!

Azasdym.

02 окт 2023, 17:48

Garlawaç,
Bagslarsynyz. SAGBOLUN!

Garlawaç

Автор 02 окт 2023, 18:19

Azasdym.,
Bolýar, aýyplaşmarsyňyzda kalba ýakyn sözleri gysgaltmasalar gowy görýän ))

Azasdym.

02 окт 2023, 19:51

Garlawaç,
Bolya zyyany yok.

Следующий пост

#	Показатель	Значение
1	Просмотры	445
2	Взаимодействия	5
3	Лайки	5
4	Дизлайки	0
5	Рейтинг	+5
6	Комментарии	14

Прямой эфир

Edepli Gödek

27.11.24

Öz diliňde makala aç sen ilki. Onsaň gürleseňem bolar. Terjime edip aç. Ýa-da

Müsürde şa bolandan öz ýurdyňda geda bol!

Dowsypat

26.11.24

Seneca_13, Hiç zat etmezden, tomaşaçy bolup, seredip oturmagam bolmaza?!

Käbir gürrüňler

Seneca

Dowsypat., Ahlak polisiýasy bilen zat çözüp bolmaz, diňe beterleşdirip bolar.

Aýal-gyzlaryň bu gidip baryşy bilen, 5-10 ýyldan bizde-de "ahlak

Гость

24.11.24

Soho, kanagat edilman gidilyani dogry. Yone sol az aylygam oyunden gatnap islap

foruma geliň

Hemmesinede yokary bilimli,professional immigrantlar gerek.Diňe orta bilimi

Soho

Гость, Myhmanjan, bäriň iş hakyna kanagat edilmän gidýänlerini bilýän, dogry

Maksat

Hic yerdede ansat ish yok pul agacda osenok , amerikada ishleyan her gun 12

Гость, Gaty bärden pikir ýöredýäň. Eger ýigit "men 4-5 ýyl işläp, ilki bir

Soho, öýüne golaý ýerden iş tapylmansoň gidip işlenýäda jan agam ))) Keýpine

"gelninini alyp gitmeli eken" - diýipsiň. Seret, indi bir zada

23.11.24

Aýal ucin iki yol bar: 1.Äri hemişe ýanynda bolýar.Ýöne,

Dowsypat., Gidesi gelmän gitmäge synanyşmak ýerine, gelnini alyp gitmäge ýa-da

Täze gelnini taşlap kimiň gidesi gelýändir öýdýäň daşary ýurda.Toýuň

#B.S

Gowy gyzlarymyz bardy Durmuşa çykyp gitdiler mikä ýa-da. Saýtdaky gyzlara

Gidenler ozdurdy galan ne gördi...

_Bayat, bolya duzederin

Massimus

Edil özümä şu gazanç üçin ýyly ojagyny taşlap gidilmeginde hiç hili erbetlik

Abaddon, howwa edipsiň wölün ýöne wara başşyk şu "Вы опубликовали 847

22.11.24

Massimus, Meniň ýazýan zadym meniň pikirimdir. Şeýle-de, heniz bir aý geçmänkä

_Bayat, men elimde baryny etdim indi size bagly

Durmushda sheyle bir cykgynsyz yagdaylar bolyan eken oz mashgalany cagalaryny

Gowy pikirleriň bar, ýöne meniň pikirimçe diýip goşmagy ýatdan çykarypsyň.

Abaddon, direldewweriñ onda. Direlse gowy

_Bayat, direlderis , puls bar oza

Gorkuzmayda beydip meninem ayalym oyde 😂

Her durli yagday bar,her durli erkek bar,her durli aýal bar.

Kimdir futbolça balet edyar,kimdir futbol kluba.

21.11.24

Meň düşünjäm:ä başga bir ýere gidip işlemek ýalňyş pikir, öýüňe golaý ýerde

20.11.24

Belli günlerine gelip gidýäs özä bizemä. Pahyr gowy saýtdy... Direläýermikä..?

19.11.24

Täze öýe göçen ýaly öwrenişmek kynam birbada, mowzugam Anonimna çykypdyr

Aýgül Garaýewadan süýji goşgular ?

Каналы

Прямой эфир