Bir söhbetde burç barada sözlendi,
Soraglara jogap bary gözlendi.
Ýöne, sorag eýýäm öňden çözlendi:
Burçlar ajy,
ýöne ajylyk dürli.

Soňra gürrüň kem-kem duza syrykdy,
Onuň özi duzam bolsa azykdy.
Başga zatlar ýatlanmady, galypdy,
Duzlar şordur,
ýöne şorlugy dürli.

Ajy, şordan soňra süýjä geçildi,
Öý eýesi süýji baryn eçildi.
Süýji bilen gök çaý bary içildi,
Süýji olar,
ýöne süýjilik dürli.

Ahyr gürrüň adamlara syrykdy,
Az salymdan pikirler hem birikdi.
Gylyk, häsiýet hemmäň gözne ilipdi:
Adam meňzeş,
ýöne ynsanlyk dürli...

“Maru-Şahu-Jahan” gazeti? 06.09.2018.

Эзизгелди Хелленов,
поэт.