«Golaýlaşýaryn» (Dembel 84 gün)
Ýeňip aýralygyň ajy ezýetin,
Basym seň gujagňa gowşaryn ýarym.
Aralygmzyň galdy – birje gözýetim,
Men saňa her demde golaýlaşýaryn.

Maňa ak ýol diläp gitdi durnalar,
Serhede güýz geldi artdy-da zarym.
Meni birazajyk goldap dursalar,
Men saňa her pursat golaýlaşýaryn.

Uzakly gün geljek ýollarma garap,
Duýýarmyň gijeleň uzap barýanyn?
Gelýän bulutlardan halyňy sorap,
Men saňa her sekunt golaýlaşýaryn.

Her düşen kirpigiň arzuwda üfläp,
Yzymdan ýollaýaň olaryň baryn.
Seň ýüregňe barýan ýollary gözläp,
Men saňa her ädim golaýlaşýaryn.

Bulutlar gyýylyp topraga damdy,
Serhede güýz gelip artdy meň zarym.
Azajyk sabyr et, şeýle az galdy,
Men saňa her setir golaýlaşýaryn.