Hemmeleň kalbynda üýtgeşik duýgy...
Asmanam gysylman, nuruny dökýär.
Men bolsa, kül bolan umytlam bilen,
Bilseň, ýene seniň ýoluňa bakýan.

Öňler umytlarym kül däl, alawdy,
Menem garaşýardym “täze ýyl” güne.
“Akjam” diýip söýýän ýaňaklaň indi
Aglamakdan ýaňa boldy gülgüne.

Näm üçindir, öz sözümde duramok,
Her “täze ýyl” geçýär ýoluňa baka.
“Gelmez!” diýip, aklym alsa-da erki,
Ýürekden ynanyp garaşýan, kaka.

Sebäp, soňky ýoluň görmändim ahyr,
Bilmändim ömürlik gidenňi “baka“.
Kalpdaky sönmezek umydym bilen
Ýene geleriňe garaşýan, kaka!


✏Laçyn BAZAROWA