Aý
Ýyldyzlar garaňky perdeden çykyp,
Daşyn alan wagty biçäre Aýyň,
Ýesir düşen Aýyň ýesiri artyp,
Ahyram elinden gaçan asmanyň.
(Ahyry asmandan gaýdypdyr taýyp)

Şol pursat galamyn uka çümdürip,
Gözlerinem dikip asmana sary,
Bir şahyr şygrynyň dilin ýumduryp,
Otyr eken daňa ýetmän karary.

Birden baksa gara syýanyň yzy,
Sowuk Aýyň ýüregine damyp dur,
Entek söz görmedik ap-ak kagyzyn
Pelegiň küdümli teýne zyňypdyr.

Aýy ýüreginiň ýerine goýsa,
Aýaly:”Ýüregiň sowuk” diýipdir,
Aýy gözleriniň içine guýsa,
Gözi diňe ak asmany görüpdir.

Ylham çykan kellesini silkeläp,
Şahyr beýle hala garaşman eken,
“Haýsy gudrat bilen ýere gelse-de,
Aý diňe asmana ýaraşýar eken”

Bägül ATAÝEWA