Gussam bilen şatlygymdan ýugrulan
Ýalana berimsiz gülmämmikä şu?
Ýetimlikden iki egni ýygrylan
Günlerimden geçip gelmämmikä şu?

Joşan çagym meñzäp däli sillere
Soñra Nile dönüp diñmämmikä şu?
Sesim goşup parasatly illere
Munda öz-özümi ýeñmämmikä şu?

Ýanan arzuwlarmyñ gyzyl oduna
Bagrymy oýkalap köýmämmikä şu?
Alkyş okap mährem enäñ adyna
Ony jandan eziz söymämmikä şu?

Açyp dürli kitaplaryñ gatyny
Akyl guýusyny gazmammyka şu?
Çapyp bir ýabany ylham atyny
Sözleñ asalyny ýazmammyka şu?

Uzaklaşyp kä oturan ornumdan
Käte-de yzyma dönmämmikä şu?
Dokuz aý dokuz gün ene garnyndan
Çykmana gyssanan dünýämmikä şu?
Awtor:Nurekowa Gülnäz