KYN DÜŞEN EKEN

Ne asman göründi, ne-de gara ýer,
Ne alnan kislorod duýuldy şo dem.
Soňundan oýlanýan pikire çümüp,
Saňa aşyk bolmak kyn düşen eken.

Söýgiň nämedigin bilmezdik entek,
Gülerdik, oýnardyk dostlarmyz bilen.
Käte doglan günler bolan wagtynda
Aýdylan her oýnam tostlarmyz bilen

Şatlanan bolardyk, yşkdan habarsyz
Emma sen ýüregme sünjen dek tiken.
Bir bela uçratdyň, düşünýän indi
Saňa aşyk bolmak kyn düşen eken.

2019
Şatlyk ESENOW