Gözüme ynanman seredip durdum,
Ne jogabyn tapdym, ne-de bir ýordum.
Beýle kärden nädip bash alyp çykýarka,
Iki ýoldan barýan bir adam gördüm.

* * *

Gaýypdan goldaýan jany gözleýän,
Iýilmän doýulýan nany gözleýän.
Gulpy açylmadyk sandyk içinde,
Heniz biçilmedik dony gözleýän.

* * *

Ile ýaýsam, içde derdim dep ýaly,
Ýogsa shu söz gelishmeýän gep ýaly,
Käte howa hiç möwsüme meñzänok -
Pasyllar, göwnüme, dörtden köp ýaly.

* * *

Ham-hyýallar uky ýolun bekledi,
Pikir gämim labyryny oklady,
Men gijäniñ gujagynda ýatmadym -
Gije meniñ gujagymda uklady.

* * *

Älemiñ syryny bilesim gelýär,
Bar ishe dahylly bolasym gelýär.
Ýer aýlanýar birje pursat säginmän,
Synlar ýaly düshüp galasym gelýär.

* * *

Oýlandyrdy ýagty Günüñ batyshy,
$öhlesiniñ Aý üstünden ýetishi.
Gije ýatman teshne bolup garashdym,
Ah, ne gözel ak dañlaryñ atyshy.

* * *

Geçmishmiñ, geljekmiñ, shu günmüdiñ sen,
Ýa-da çözülmejek düwünmidiñ sen.
Ýa arzuwmyñ, ýa armanmyñ, ýa hyýal,
Ýa göwnüme gelen göwünmidiñ sen.

* * *

Ele aljak bolup tilsimin-tabyn,
Okaýan, öwrenýän, çekip azabyn.
Bölüp, goshup, aýryp, köpeltsem-de men -
Çykaryp bilemok dünýäñ hasabyn.