Bagtly bolasym gelýär.

Söküp dagy düzleri
Ýollar aşasym gelýär
Ýetilmedik menziller
Size ýetesim gelýär

Çöken, ynjan ýürege
Ýagty salasym gelýär
Bir uly yşga düşüp
Telbe bolasym gelýär

Gözüm ýaşdan dolduryp
Çyndan gülesim gelýär
Ykbalyň için ýakyp
Bagtly bolasym gelýär

Armanly bakyşlara
Umyt beresim gelýär
Ýaraly göwünlere
Melhem bolasym gelýär

Ganat ýaýan guşlara
Ganat bolasym gelýär
Bu durmuşyň gülleri
Laçyn bolasym gelýär

Gözüm ýaşdan dolduryp
Çyndan gülesim gelýär
Ykbalyň için ýakyp
Bagtly bolasym gelýär.