Öten agşam giräýipsiñ düýşüme,
Ýöräp barýas.
Depämizde dolan aý.
Men gyzlardan seredişiñ gabanýan,
A sen bolsa biperwaý.

"Mynasyp dälmikäm?"
Çümýän oýlara.
"Söýdümikä özümden öñ bir güli?"
Owadan düýşlerde näme bolmaýar?!
Ýodalaram gülgüne.

Birdenkä gözlermiz gidýär sataşyp,
Bedenimde ters aýlanýar mydarym.
Nazarlaryñ beýle ýiti bolmasa
Eýder-beýder çydardym.

Gep oklajak bolup gozganýar diliñ
(Gözel görünýärin - boýanypdyryn)
Hut arzyly pursat - gyzyk ýerinde
Kürsäp oýanypdyryn.

Ah,düýşde bir duýgularyñ döksediñ,
Düýşümde bir sözlesediñ zaryñy.
Ýa,onda-da köp gördüñmi, aýtsana?
Bagt bermegi ýaryña.


Mahym Nurgeldiýewa

05.02.2022 ý.