Durmuş bu oýnuny bildirmän goýmaz
Ol aglatman goýmaz, güldürmän goýmaz.
Batyryň zarbasy sowular gider,
Gorkak bir ýapyşsa öldürmän goýmaz.

"Gepleme" diýýärsiň men näme malmy
Öňräkden gelýändir hakykat ylmy,
Atlananlar atasyny tananok.
Atasam tananok: oglumy, dälmi...

Dury suw gaýnatdyk, goýaljak boldy.
Tiz bitýän işlermiz haýaljak boldy,
Käbä gidip ant içip dur kezzaplar,
Mekge--Medine-de oýunjak boldy.

Gepleşilýän ýerde gepe düşerler,
Düşünmedik ýaňsa alar, üşerler,
Eşeklerem juda akmak saýmagyn,
Eşek bolsaň, arasyna goşarlar.

Aman Amandurdy.