Ispanlaryň dünýä belli sport neşiri AS gazeti Angliýanyň Mançester Ýunaýted toparynyň portugaliýaly super ýyldyzy Kristiano Ronaldonyň näçe hak alýandygyny habar berdi. Ähli döwürleriň iň baý türgenleriniň hatarynda görkezilýän Kristiano Ronaldonyň umumy gazanjynyň 1 milliard 240 million dollardan geçendigini ozal habar berlipdi. Super ýyldyzyň häzirki wagtda Mançester Ýunaýtedden hepdelik 480 müň ýewro hak alýandygy habarda bellenilýär. Şeýle-de şertnamada Ronaldonyň eger-de Mançester Ýunaýted geljek möwsümde Çempionlar Ligasynda gatnaşyp bilmedik ýagdaýynda klubdan gitjekdigi görkezilendir. Ronaldo Ýunaýtediň düzminde 12 oýunda 9 gol geçirdi.