Seniň gitmekligňe garşy bolmadym...

Seniň gitmekligňe garşy bolmadym,
Seni saklamaklyk ýalňyşdyr belkem.
Sen öz bagtyň "Özüm saýlajak!" diýdiň,
Belki gowy bilýänsiň, dogrudyr seňkem.

Seniň gitmekligňe garşy bolmadym,
Barybir gidersiň, durmarsyň diňläp.
Öňem senden ajy sözi köp eştdim,
Bu "Gitjek!" sözüňem ýörmedim geňläp.

Şirin jany bagş etmeklik isledim,
Gamly wagtym ýylgyrşymy kesmedim,
Seni ýatlap şu sözleri besledim,
"Durmuşyňda mydam bagtly bolgunyň!"

Ahyrky setiri soňlap gitmäkäm,
Ýa-da sen birazdan gözden ýitmäkäň.
Şu sözleri ömür ýatla söýenim,
"Görkezeniň, görersiň sen ölmäkäň!"

Rahymberdi Suhanow