Sensizem geçerin ömür ýolumy,
Bakmagyn ot bolup söýenligime,
Duman gurshap aldy ýodalarymy,
Ynanyp bilemok gidenligiñe.

Arzuwlarda gaýyp ýören dünýämiñ,
Ganatlarnyñ gyrylmagyn islediñ,
Kalbymda alawlan ynam odunyñ,
Goýup giden yzasyn bir bilsediñ!

Yhlasymy guma garan ykbalda,
Sen maña ne gülki, ne şatlyk berdiñ,
"Kalbymda sen" diýen ýalan sözüñe,
Ynanyp, umytly ýaşadym,gördüm.

Giden yzlaryñy görkezen ýollañ,
Gyrasynda Indi otyryn dymyp,
Sen arzuw-umydym pytradyp gitdiñ,
Kalbymdaky söýgim hasrata öwrüp.

Annagurban Bayrammyradow.