Düzgünnama

Islenen.ru saýtynyň umumy düzgünnamasy. Bu düzgünleri bilmezlik sizi jogapkärçilikden boşatmaýar.

1) Islenen.ru - D.A Media Group tarapyndan ýasalyp, türkmen dilinde, dürli ýaşdaky adamlaryñ ýygnanýan sahypasy bolup, islän agzanyñ ynanjyna we pikir beýan ediş azatlygyna hormat goýýar.

2) Islenen.ru - Türkmenistanyň kanunçylygyna laýyklykda öz işini alyp barýar we şol kada kanunlara boýun egýär. Saýtyň agzalary tarapyndan açylýan mowzuklara we ýazylýan teswirlere administratsiýa jogap bermeýär. Her agza öz açan mowzugyna we ýazan teswirine jogap berýär.

3) Islenen.ru - türkmen medenýetine, däp-dessuryna we türkmen diliniň arassalygyna hormat goýandygy üçin, islän agza tarapyndan sahypada ýazylan sögünç sözler, beýleki agzalary kemsidiji mowzuklar we teswirler saýdyň administrasiýasy tarapyndan pozular. Şeýle mowzuklary we teswirleri ýazan agza duýduryş beriler, eger-de sögünç ýa-da kemsidiji sözleri ýazmagyny dowam etse, şol agza üçin wagtlaýynça sahypa giriş gadagan ediler.

4) Islenen.ru - türkmen halkyny bir saçaga üýşürýän sahypadyr. Turkmenistanyň kanunçylygyna garşy gelýän, milletparazlyk we tireparazlyk häsiýetli mowzuklar we teswirler hökmany suratda sahypadan bozular. Ýazan agza beýle ýaramaz bolşuny dowam etse, şol agza üçin wagtlaýynça sahypa giriş gadagan ediler.

5) Islenen.ru - islän agzanyñ şahsy maglumatlaryna hormat goýýar. Şonuñ üçin hiç haýsy agzanyñ maglumaty görkezilmeýär, gizlin saklanylýar. Hiç haýsy agzanyn şäherini, ýurdy ýaly maglumaty saýdyň administrasiýasyndan soramaga rugsat berilmeýär. Agzanyñ özünden şahsy hat ýazyp soramak mümkin.

6) Islenen.ru - türkmen sahypasy bolanlygy sebäpli, başga dilden alynan ýazgylary goşa dyrnak ("awtoryň sözi") içine alyp, türkmen dilinde düşündiriş goýulmaly.

7) Islenen.ru - ýazylan ähli mowzuklaryň we teswirleriň hak-hukuk eýeçiligi awtorlaryna degişli. Mowzuklaryň we teswirleriniň ählisi awtorlaryň pikirini beýan edýär we D.A Media Group agzalaryň açyan mowzuklary we teswirleri üçin hiç hili jogapkärçilik çekmeýär.

8) Islenen.ru - pornografiýa mazmunly mowzuklary we teswirleri ýazmaga rugsat bermeýär.

9) Islenen.ru - islendik dindäki adamlara, dine ynanmaýan leriň ählisinie hormat goýýar. Islendik dindäki adamy forumda kemsitmeklerine ýol berilmez! Başga biriniň dinine hiçhili subutnamasyz, takyk bolmadyk maglumatlar bilen dil ýetirmek düýbünden gadagan! Dinleri takyk öwrenmek maksady bilen, islendik mowzuk dini ynançlar bölüminde ýazylyp biliner, emma başga dini garalamaga ýol berilmez! Ýokarky düzgünnama bozulan ýagdaýynda, administratorlara hökmany suratda habar bermegiňizi haýyşt edýäris. Agza, düzgünnama gabat gelmeýän, dini mowzuklary ýazmagyny dowam eden ýagdaýynda, sahypadan hiçhili duýduryşsyz bozular!