Ine men,
Ine-de köne sowallar
Maý berenok oýlanara ölçäre
Ýola bakyp gussa batsam käteler
Saýma meni ýeke-ýalňyz biçäre

Aýralygyn gurnan ýowuz oýnuna
Bäs gelmän ýitirdik iň eziz zady
Indem bir-biregin keşbini gözläp
Göterýäs gursakda arzyly ady

Seň adyňy tumar deýin goraglap
Öýkeli gözlerim ertire dikýän
Asman bolsa ykballara dözümsiz
Gözýaşyny goja zemine dökýä

Tozap ýatyr torç edilen ýodalar
Sen ondan hiç wagt geçmedik ýaly
Hasrat ýene hödür edýä wadasyn
Hamala biz ondan içmedik ýaly

Käte-käte alawladýar pikirler
Käte durmuş gülüp bakýar ýüzüme
Seň keşbiňi ýüregimde buksamam
Ähli ýerde sen görünýäň gözüme.

Awtor: Maýsa Orazowa