Biz älemdäki ýeke-täk hakykata,müň dürli garaýyş bilen bakyp bileris,ýöne şol ýeke-täk hakykat,biziň müň dürli garaýyşlarymyza görä,hiç wagt üýtgemez.

Adamlaryň aňy bulaşyk.Kä halatda olar, özleriniň ýüregi bilen garalaýan zatlaryny, aklamaga synanyşýarlar.Kä halatda bolsa,özleriniň ýüregi bilen garalaýan zatlaryny,çyny bilen aklaýarlar.Adamlar diňe,ýüze çykan ýagdaýlarda,özleriniň dogry diýip bilýän hereketlerini amala aşyrýarlar.

Adamlaryň özleri üçin erbet bolup görünen zatlaryň köpüsi günä,özleri üçin gowy bolup görünen zatlaryň köpüsi sogap.

Adamlaryň 80-90%-i,haýsy jemgyýetde dogulan bolsa,şol jemgyýetiň düşünjesinden daşa çykyp bilmän ölýär.Dogryda walla,heniz beýnisi bekemedik çaganyň aňyna,gaýta-gaýta şol bir zatlary siňdirip dursaň,çagada başga alaç barmy?!

Dogulanymda maňa:"Türkmen jemgyýetiniň düşünjesi" atly kitapdan sapak berdiler.Kitapdaky maglumatlardan töweregime serhet çekdim.Men indi şol serhetden çykmaga gorkýan.Göwnüme bolmasa,şol serhetden daşary çyksam,erbetlikler bilen ýüzbe-ýüz bolaýjak ýaly.Kä wagt,ýürek edip çykmaga synanyşýan,çaltlyk bilen gorkup yzyma gaýdýan.Käbir ýoldaşlarym bar, şol serhetden daşa çykyp görmek barada,düýbünden pikirem edenoklar.