Öňler bir çopan bardy, adyny aýtsamam tanamaýaňyz. Şoň üçin "Garry çopan" diýäýjek. Bu çopanyň uly süriden ybarat ep-eslije goýuny bardy. Garry çopan köp ýyllar çopançylyk edipdi bu sürä. Ýöne bu çopanyň bir täsin häsiýeti bardy. Olam bolsa sürüsindäki goýunlaryň semremegini islemezligidi. Günleriň bir güni Garry çopan garrandygny boýun aldymy ýa başga bir sebäbi barmy, garaz sürini ogluna tabşyrmagy ýüregne düwdi. Ýöne ogluny, Ýaş çopany tejribesiz gördümi nätdimi, garaz sürini tabşyransoňam goşdan gitmedi. Oglunyň goýun bakmaga tejribesiniň azyraklygam hakykatdy. Bir gün irdenki çaý başynda Garry çopan ýaş çopana özüniň şu wagta çenli goýun bakmakdaky toplan tejribelerini we maslahatlarny gürrüň bermegi ýüregne düwdi.
-Diňle ogul, çopançylyk käri ata-baba gelýän kärdir. Bu käriň sarpasyny belent tutmalysyň. Indi şunça goýnuň ykbaly seň eliňde bolup durka bu uly borjy duýmagyň gerek. Goýun maly mesligi göterip bilýän däldir, beter semrediwerseň biri ileri gaçar, biri gaýra gaçar, biri aşak gaçar, biri bolsa ýokaryk. Şonuň üçinem sürini örä çykaraňda beter otly ýer gözlemegin. Aýagyna gezip ýören mal özüne oty özi tapar. Goýun malyny semrediwerseň ugry bolýan däldir. Onsoňam, çopan itleriňe gowy seret. Şolaryň saklygy iň esasy zatdyr çopançylykda. Biziň sürümize möjek degmek aladasy ýok weli, şonda-da itleriňe gowy seret. Wagtly-wagtynda ýallap dur. Süriň içinde her hilisi bar. Süriden çete çykjak bolanlaryny ýene sürä goşmak üçin saňa itleriň kömegi gerek. Şonuň üçin itleriň aladasyny kem goýma! Ýalyny ýetirseň it ýaly wepaly haýwan bolmaz. Şul aýdanlammy hiç wagt unutmagyn!
-Bor, kaka.



* "Ýedi ýyl malyna söwmän bakan çopan Hydyr ata duşarmyş" diýýäler. Meňem çopançylyk edip ýörenme alty ýarym ýyl bolupdyr. Şul aralykda ýeke gezegem söwmedim goýuna. Ýene alty aýdan Hydyr ata bilen duşuşmaly. Gaty tolgunýan şu wagtdan. Size-de näme dilemeli bolsa ýazyweriň şörik.