LAKTASION AMENOREÝA USULY

Usul barada
Bu usulyň ulanylmagy, çaga emdirýän aýallaryň belli bir wagtda
aýbaşysynyň bolmaýanlygyna we şonuň ýaly-da aýal jyns öýjükleriniň emele
gelmeýänligine esaslanandyr.
Nähili ulanylýar?
Usuly ulanmak üçin diňe ene süýdi bilen iýmitlendirme, emdirmeleriň
arasynyň ýygy bolmagy hökmany şert bolup durýandyr.
Ygtybarlyk derejesi – 20-25%
Artykmaçlygy:
& Dogrumdan soňky 6 aýda ýokary netijeliligi;
& Ýaramaz täsirleriniň bolmazlygy;
& Täsiriniň basym ýüze çykmagy;
& Lukmançylyk barlagyny talap etmeýär;
& Dogrumdan soňky gan akmalary azaldýar.
Ýetmezçiligi:
/ Ene süýdi bilen emdirmegiň düzgünlerini berjaý etmek;
/ Dogrumdan soňky 6 aý möhletiň dowamynda täsirli;
/ Aýalyň birinji aýbaşysy gelýänçä täsirli;
HIV/AIDS we jynsy gatnaşyklar arkaly geçýän ýokançlyklardan gorap
bilmeýär.


KALENDAR USULY (“HOWPSUZ GÜNLERI” USULY)
Usul barada
Bu usulyň ulanylmagy, aýalyň aýal jyns öýjügi emele gelenden (owulýasiýa)
soňky birnäçe günde göwreli bolma mümkinçiligine esaslanandyr. Aýallaryň
aglaba böleginiň aýbaşy halkasynyň ortaça 26-28 güne deňdigini göz öňüne
tutsak, onda aýal jyns öýjüginiň çykmagyna aýbaşy halkasynyň 11-15-nji
(halkanyň ortasy) günleri garaşylyp bolar. Şu gysga döwür hem göwreliligiň
döremegi üçin amatly günler hasaplanýar. Galan günler “howpsuz”
transplan. Lukmanlar şol döwürde aýal jynsy gatnaşyklardan saklansa,
göwreliligiň öňüni alyp bolýar diýen netijä gelipdirler.
Üns beriň! Usul diňe aýbaşy halkasynyň dowamlylygy durnukly bolan
aýallarda netijeli bolup biler.
Ygtybarlyk derejesi – 55-60% (diňe aýbaşy halkasy kadaly bolanda)
HIV/AIDS we jynsy gatnaşyklar arkaly geçýän ýokançlyklardan gorap
bilmeýär.