Dertmi sen dermanmy? Parhyn bilemok,
Anyk bilýän zadym sensiz kyn maña,
Gijigen bagtymyñ nyrhyn ýülemok,
Çäresin gözleýän dertden dynara.

Ýene, bu giñ asman depämden basýar,
Özümi kapasañ içinde duýýan,
Ömrümi geljegñe sapak deý işip,
Püre-pür käsäme sabrymy guýýan.

Günler geçer, ýene aýlanar heññam,
Giñlik bermez ajap sazlañ mukamy,
Hazan urmuş, göýä bir meniñ üçin,
Ýapyk eken bu gün yşkyñ dükany.

Başym sallap, bimanyja ýylgyrdym,
A sen bolsa, ýörsüñ bagty gijeñläp,
Meni bir ömürlik söýmelidiñ sen,
Söýerdiñem, ah ýöne sen ejem däl.

Men çykaryn bu dertleriñ içinden,
Dermanymam sen bolmarsyñ unytma,
Bagtlydygmy duýaýgynyñ sensizem,
A:ýyñ yşgy görünäýse bulutda...