Oguz han Oguz türkleriniň we şol sanda türkmenleriň atasy hasaplanýar. Onuň döwri bilen baglanşykly rowaýatlar "Oguznama" dessanynda beýan edilýär. Oguz hanyň 6 ogly, Dag han, Gün han, Ýyldyz han, Deňiz han, Gök han, Aý han bolupdyr. Her oglunyň 4 ogly bolupdyr. Oguzlar öz aralarynda boz ok we üç ok diýip ikä bölünýär. Oguzlar 24 taýpadan ybarat bolup, Aziýadan dünýä ýaýrandyrlar. Oguzlaryň fiziki sypaty wagtyň geçmegi bilen şertlere baglylykda üýtgäpdir.
Oguz hanyň kimdigi barada anyk maglumat ýokdyr we köp çeşmä görä onuň Hun döwletiniň hany Mete handygy beýan edilýär. Oguz han rowaýatlara görä dogulanda öz adyny özi goýupdyr. Ol ullakan bir jandary öldürip gahryman bolupdyr. Oguz han gahryman, edermen, watansöýüji kişi bolupdyr.