Ýigrimi dört agtyk,
ýigrimi dört tagma,
Her tagmasy bir owazdan ybarat.
Ýigrimi dört owazdan jümle döredi,
Haýran kylyp ulus-iliñ akylna,
Dünýe içre
täze dünýe döredi!
Ýigrim dört owaza senasyn ýazyp,
Dünýe Oguz hana etdi ybadat!

Oguz hanyñ her harpy bir tagmady,
Oguz hanyñ her harpy bir tugrady.
Biri şuñkar guşdy,
biri garyçgaý,
Bir tagmasy gök bürgüdiñ suraty.

Ýañykentde dünýä ilkinji gezek
Heçjikläp,
heçjikläp okady jümle.
Gara güýje däl-de, ilkinji gezek
Kitaba sežde etdi ullakan dünýe!

Bir sözlemi düzdi ýigrim dört agtyk,
Olar şeýdip bir-birege birleşdi.
Adamzat paýhasy ilkinji gezek
Hakydadan
gök kitaba ýerleşdi.

Beg ýigitler Oguz hanyñ harpyny
Düýedir goýnuna tagma urdular.
Olar her tagmany gudrat deý görüp,
Ýüreginiñ keramatyn berdiler.

Gyz-gelinler ony hala çitdiler,
Gaýadylar keşde bilen gaýmada.
Ynandylar Oguz handan keramat.Bardygyna her harpda,
Her tagmada!

Bir ýigidiñ buýsanjydy her tagma,
Goldady durmuşda,
Eldedi ýowda.
Hikmetli,
gudratly beýik hatdy ol.
Oguz han atadan ýeten teperlik,
Oguz handan miras ㅡ keramatdy ol!

Ýigrim dört agtykdan oguz döredi,
Ýigrim dört agtykdan döredi türkmen.
Amanynda şuñkar guşun ýerledip,
Asmanynda tug-sanjagyn parladyp,
Gurdy nije-nije döwleti türkmen!