Salam arzylylar. Sizden aýyrmasyn.
Her adam bir zady geň görýär, oňa haýran galýar. Meni haýran eden zatlar belki Sizide pikirlendirer.

Haýran galýan: Adam sany boýunça dünýäde iň uly döwletde ýaşaýan, kung-fu-ň ussady hasaplaýan hytaýlylaryň hiç kimi özünden ejiz, pes hasaplaman, garşysyndaka baş egip hormat goýýarka, iki gün trenirowka gatnan "kaçok" oglanlarymyzyň her goltugyna bir garpyz alyp, kamaz, awtobuslaryň sygýan köçelerine sygman ýörşüne.

Haýran galýan: Orta mekdebi zordan gutaran, okuwdan gaçmak boýunça rekord goýan okuwçyň ÝOJ-a girip bilmänligi üçin gynanyp aglaýanyna.

Haýran galýan: Özi saýta agza bolmasada, goşgularyna negatiw garaýşymy bildirenim üçin bloglarymy okyjylara görünmeýän derejä getiren şahyra.

Haýran galýan: Öz garaýşy, öz düşünjesi, öz sözleri bilen ýekejede mowzuk açman, gaýtam bir zatlar döretjek bolýan agzalaryň mowzuklaryny özüni düşünjeli görkezmek üçin tankyt eden bolýan akyllysumaga.

Haýran galýan: Mowzuklaryny okaňda aňryň-bäriňe gelýän, ýazan zatlarynyň arasy hapa sözlerden doly, köpçülik görmedik, moral taýdan bozuk agzaň ahlak, namys barada maslahat berşine.

Haýran galýan: Atylan oky eli bilen tutýan, nähak öldürlen adamyň täzeden dünýä inýän, 2 sagat 55 minutlap gyzyny dünýädäki iň ideal oglana bermäge garşy bolan gaharjaň, garakçy kakaň soňky 5 minudyň içinde toba edip ýetişýän (bolmasa kino gutarýar) hindi kinolaryna aňkaryp seredýän agzaň Massimusyň hekaýalaryndaky wakalaryň dogrudanam bolup geçenine ynanmaýanyna.

Haýran galýan: Özüni iň gowy hasaplap, ýöne bu ýurtda adalatyň, deňligiň ýoklugy barada jar çekibem, "meniň ýurdum hemme ýurtdan gowudyr" diýen ýaly goşgulary ýazyp bilýän adama.

Haýran galýan: Bir mesele boýunça maslahat soranymda, aradan 1 aý geçenden soň: "şol edara täzeden jaň edip göräýsene" diýýän dostuma.

Haýran galýan: Ijjen, meň aňrym pylandan gaýdýar diýip, dini mowzuklaram, hapa mowzuklaram goldaýan ynsana.

Haýran galýan: Men saýtdan gidip barýan diýip aglap, eňräp mowzuk açyp, yzynda galanlaram yzan-çuwana berip, "maňa meňzeş" hemme zada çynmyka diýip ýören suwumsyzlary bir hepde dagy agladyp, soňam hiç zat bolmadyk ýaly saýta gaýdyp gelen gahrymana.

Kämahallar dagy oturyp şu zatlara haýran galýanlygyma-da haýran galýan.