GELJEKDE BIR GÜN.
@BENDTNERIÑ TOÝUNDA 2.

Serdar bizi ýerimize oturdyp gideninden soñ häliden bäri toý mikrofynyndan gelýän inçejik, näzijek sese tarap ýüzümizi öwürdik. Ol ýerdäki saryýagyz, görmegeý zenany ählimiz tanapdyk.
- Gültäç!
Howwa, Serdar toýuna alypbaryjy edip Gültäji tutupdyr. Men Felicitañ gulagyna çawuş çakdym.
- "Gültäji toýa diktir etseñ, iki-üç sagady özi alyp çykar" diýende oýun edýändir öýdýärdim welin çyny eken-ä .
- A gyz, Gültäjiñ näme gürrüñ berjegi belli däl-ä. Onuñ ýalam bir töwekgelçilik edilermi?
- Mugt diktir diýendir. Syrnyhlyk adama nämeler etdirenok?!
Biziñ iýip-içmäge başlanymyzam şoldy welin, añyrdan Dani, Biohimik, Soho, Nairobi, Ahmal, Nirvana, Yureksozi, Kalp doctory, Granger, Kwadrat kelle dagylar geldiler. Olar ählimiz bilen saglyk-amanlyk soraşanlaryndan soñ:
- Aý, biz-ä üýşüp gazel tutaýdyk aýratynlykda taksä pul bermegem añsat däl - diýip, Soho dillendi.
Kwadrat kelle-de onuñ üstüni ýetirdi.
- Sowgat hökmünde-de herimiz on manatdan goşaýdyk.
- Dagy näme, meñ-ä gelnim ondan artyk pul berenok toý üçin - diýip, Biohimigem özüni aklamaga synanyşdy.
- Asyl syrnyhlar öñde eken-ä - diýip, Rigel gulagyma çawuş çakdy.
Olar oturyp-oturmaka-da bir ýerlerden Hyýar iýýän peýda boldy. Saglyk-amanlykdan soñ
- Dost, nämä gijä galdyñ? - diýip Ahmedik sorady.
Hyýar iýýän ýalan sözleýänligini bildirmejek bolup ýere seretdi.
- Işden giç çykdym-laý.
Soho onuñ gözüniñ içine seretdi.
- Allamasanaý, aýalyñ bir sagatdan artyk toýda oturmaga rugsat bermeýänini hemmämizem bilýäs-ä. Senem barybir zakazymyzyñ giç çykjagyny bilip giç gelýän bolmaly.
- Ýok-how aýalymdan gorkaryn-mow men - diýip Hyýar iýýän ýalandan çişen boldy.
- Beý diýibem allama- how, Fan B-eñkä-de, Ahmedigiñkä-de gijä galyp geldiñ. Bilmeýändiris öýdýäñmi?!
Olary gepde alybilmejegini añan Hyýar iýýän boýunegijilik bilen baş atdy-da, nahara başlady.
Biz gelip oturanymyzdan bäri toýda hiç hili aýdym aýdylmandy. Diñe Gültäç toý mikrofonynda geplemegini dowam etdirýärdi. Gürrüñiniñ başyny kursdaşlaryndan başlapdy, soñ gullukdaky jigisi, pişigi hakda gürrüñ berdi, yzysüre işdeşlerine, okuwçylaryna geçdi. Häzirem Gyzylarbada häkim boljak boluşy hakynda gürrüñ berýärdi.
Birdenkä-de Serdaryñ gelnejesi ýanymyza gelip, ýalbaryjy äheñde ýüzümize seretdi.
- Arañyzda aýdym aýdyp bilýäniñiz ýokmy?
- Siz aýdymçy tutmadyñyzmy, gelneje? - diýip biz ýerli-ýerden soradyk.
- Wah, biz tutjakdyk-la welin, Serdar "Gültäjiñ özi alyp çykar, aýdymça pul bermäliñ" diýensoñ oturmaly bolduk.
Biz toýy nädip-edibem bolsa gyzyklandyrmaly diýen aýgyt bilen toý mikrofynyna çykyp başladyk. Ilki bilen Khanture kosmanawtlar hakynda rusça aýdym aýtdy. Soñam Hyýar iýýän Pälwan Halmyradowyñ aýdymlaryndan aýdyp berdi. Şeýdip Serdaryñ synpdaşlarynyñ zakazyny sowduk. Gezek kursdaşlaryna ýetdi. Serdaryñ Hindistanly kursdaşy toýy iñlisçe gutlap, yz ýanam " Tagta biti" diýip, goýberdi welin, myhmanlar añka-tañka bolup birek-biregiñ ýüzüne seredişdiler.
Olaryñ tans etmek gezeginde-de Ahmedik rep aýdymlardan aýdyp başlady. Şeýdip kursdaşlarynyñ zakazynam sowduk.


Dowamy bar...