GELJEKDE BIR GÜN.
@BENDTNERIÑ TOÝUNDA.

Bu gün bagtly gün, bu gün garaşylan gün. Aýna seredip, özüme serenjam berip durşuma Serdaryñ jañ eden güni añymda janlandy:
- Gowmy, jora, näme gep-gybat?
- Gybaty taşladym-how men.
- Aý, tüweleme. Sebäp?
- Öýlenýän.
- Al saña, ýene bir tüweleme. Hany sen entek-entek öýlenjek däldiñ-le.
- Howwa welin, tüýs isleýşim ýaly galyñsyz geljek gyz tapdym. Özem ýomut. Üstesine-de menden beter Ronaldoñ muşdagy.
Onuñ sözlerine hezil edip gülenligimi duýman galdym.
- Bah, nädip saña galyñsyz berdiler ony?
- Berjek däldiler welin, gyz yşkymda däli-diwana bolup ýörensoñ, razy boldular.
- Señ yşkyñda däli bolýanam bar bolsa dünýede hiç zady geñlemeli däl.
- Öwdüñmi ýa döwdüñmi şuwat?
- Degişdim-läý, üns berme. Bor bararys nesip bolsa.
Bendtner telefony öçürip-öçürmänkä buşlukly habary aýtmak üçin Felicita jañ etdim, onuñ yzysüre-de Rigele. Olaram toýa gitjekdiklerini aýtdylar.
Islenençiler bolup bärden baranymyzda Bendtneriñ ejesi bizi garşy aldy. Biz öýlenýän oglanyñ özüni gutlamakçydygymyzy aýdyp, Bendtneri çagyrtdyk. Bagtymyza gözellik salonyndan ýañyja gelip duruşlary eken.
- Baý, baý, geleweriñ hormatly myhmanlar.
Serdar gözi bilen ählimiziñ eline ser salyp çykdy. Çaky her haýsymyzyñ näme sowgat getirenligimiz bilen gyzyklanýan borly. Rejäniñ geñ däldigini añan Hemedany öñürtiledi.
- Dost, iki çelek üzüm getirdim toýuña.
Garaşany çykmadyk Bendtneriñ ýüzündäki şatlyk alamatlary zym uçan ýaly boldy. Hemedany "Gorkan öñürder" etdi.
- Ýedi çagamyñ agzyndan kesip getirdim-how.
Islenençileriñ hersi añka-tañka bolup bir-biriniñ ýüzüne seretdi.
- Aý tüweleme, toýuña baranymyz ýañy ýaly welin, eýýäm medala golaýlapsyñyz.
- Jaý alarys nesip bolsa - diýip, Hemedany jogap berdi.
Bendtneriñ meniñ ýüzüme seredip durşundan sowgat hakynda bilesi gelýänligini añdym.
- Jora, menem gelniñ ikiñizi wasp edip, goşgy ýazdym.
- Bar bolanymy?
- "Näme bar bolanymy?" diýip, goşgy ýaly gymmatly hazyna barmy?
- Señ goşgyñ karz üzüp berýämi onsoñ?
- Galyñsyz gyz alañsoñ toý çykdaýjysyny üzmäñ nämesi barmyşyn?!
Eli tortly Ogulşiriniñ Medinä pyşyrdanyny eşitdim.
- Şulam zat bermejek bolup hemme kişiñkä goşgy ýazyp geläýýär.
- Howwa-la gyz, Hemedanyñka-da goşgy sowgat etdi, Hyýar iýýäniñkä-de,
Fan B-eñkä-de, Ahmedigiñkä-de.
Meniñ jogap bermäge häzirlenip duranymy gören Felicita gürrüñiñ gowy tarapa gitmeýänligini añdymy, ýa özüniñ jomartlygyny görene göz edesi geldimi nämemi, elindäki köýneklik matany uzatdy.
- Toýuñyz gutly bolsun!
Bendtneriñ azajygam bolsa ýüzüniñ ýagtylandygyny gören Ahmedik geplemek gezegini aldy.
- Dost, menem şu öýüñ islendik ýerine tok çekmegi boýun alýan.
Khanture-de "Ahyry maña-da gezek ýetdi" diýýän ýaly söze başlady.
- Menem tegelek Ýer baradaky teoriýamy sowgat etjek.
- Eý, Ýer tegelek bolsun, dörtburç bolsun, maña bildirýän ýeri ýok- how - diýen Bendtneriñ gözünden ot çykdy.
- Dur-la, sen Ýeriñ tekizligine ynanýadyñ dälmi?! - diýip Ahmedik geñirgendi.
- Ýok-how, Ýer çukuryñ içinde diýipdi - diýip, Felicita sözüni böldi.
Menem
- Iñ soñky gezek Ýer trapesiýa şeklinde diýipdi - diýip, üstüne goşdum.
Khanture golundan tutup duran sary saçly, gök gözli görmegeý zenany ümledi.
- Howwa, şeýledi, ýöne Nataşajan ýeriñ tegelekdigine ynandyrdy.
- Nädip ynandyrdy? - diýip, biz ýerli ýerden soradyk.
- " Eger ýer tegelek bolmasa, ikimiz gabatlaşyp bilmezdik" diýdi - diýen Khantureniñ gözlerinde yşk uçgunlary lowurdady.
Medine bilen Ogulşirinem ellerindäki torty görkezdiler.
- Zakazymyz çykanynda gowşurarys-da.
Häliden bäri sessiz duran Rigele-de gezek ýetdi.
- Menem nesip bolsa, çagalaryñyzy fizikadan okadyp bererin.
Bendtner öz-özi hüñürdäp bize oturjak ýerimizi görkezdi:
"Menem-ä syrnyh welin, bular mendenem beter syrnyh eken "

Dowamy bar...