Nepally oftalmolog doktor Sunduk Roit dünýäniň iň gowy 139 sany lukmanlarynyň içinden saýlanylyp, "Ynsanyýete eden hyzmaty üçin Iso baýragy"ny we bir million ABŞ dollaryna deň gymmatbaha sowgady berildi. Ony Bahteýn patyşasy Hamad bin Iso Al Halifa gowşurdy.

Gowşurlyş dabarasynda Bahreýn patyşasy Patyşalyk tarapyndan kabul edilen bu başlangyç adamzadyň birligine, durnuklulygyna, kynçylyklary ýok etmäge hyzmat edýändigini belledi. Şeýle-de ol, nepally oftolmolog Sunduk Roitiň işlerine ýokary baha berdi.

“Ynsanyýete eden hyzmady üçin Iso baýragy” halkara baýraklaň içinde abraýly örny eýeleýär. Ol her iki ýylda bir gezek Bahreýn patyşalygy tarapyndan geçirilýär. Ýeňiji bir million ABŞ dollory gymmatyndaky arassa altyn medal hem-de onuň alyhezretleri patyşa Hamad bin Iso Al Halifa tarapyndan hormat haty bilen sylaglanýar.

Saýlawda emin agzalary tarapyndan ýeňiji diýip göz kesellerini täze usul bilen bejermegi oýlap tapan nepally oftalmologyň taslamasy saýlandy. Sunduk Roitiň arzan usuly katarakta operasiýasyny 5 minutdan az wagtyň içinde geçirmäge ýardam edýär. Bu wagtyň dowamynda ol katarakty tikinsiz, maýda kesikler arkaly aýyrýar we onuň ýerine arzan emeli linza goýýar. Ol beýle usul bilen 120 000 den köpräk görüş ukybyny ýitiren hassalary mugt bejerdi.

Doktor Roid soňky 30 ýylyň dowamynda özüniň innowassion operasiýa usuly bilen Nepalda körlük derejesini ýaryma çenli diýen ýaly azaltmaga goşant goşdy we dünýä ýüzi boýunça 650 den köp lukmanlara körlüge garşy göreşmekde öz tejribesini öwretdi. Ol şu wagta çenli dünýä ýüzi boýunça 35 milliondan köp operasiýalary amala aşyrdy.

Doktor Roit 2030-njy ýyla çenli bir million adamy barlagdan geçirmek we 300 000 den 500 000e çenli adamlaryň köz kesellerini bejermegi öz öňünde maksat edip goýdy.