Fewralda Türkiýede hem-de Siriýada bolup geçen güýli ýer yranmalary barada öňünden çaklama aýdan belli niderland alymy Frank Hugerbits martyň başynda dünýäde ýene bir güýçli ýertitremäniň boljakdygyny duýdurdy. Bu barada SSGEOS ylmy institutynyň habarynda aýdylýar diýip, «MIR 24» ýazýar.

Seýsmologyň sözlerine görä, gürrüň 8,5 baldan hem ýokary güýji bolan ýer yranmasy barada barýar we ol alymyň pikiriçe, 3-7-nji mart aralygynda bolar. Ol Russiýany (Kuril adalary), Ýaponiýany, Günorta Ýewropany, Indoneziýany, Pakistany, şeýle hem Demirgazyk Amerikany gurşap alar.

Seýsmolog: «Ýokary seýsmiki işjeňlik planetalaryň bir-birege golaýlaşmagy bilen baglydyr. Men ulaldamok, gorkuzmak hem islämok, diňe duýdurýaryn» diýip, belledi.

Ýeri gelende aýtsak, 6-njy fewralda Türkiýäniň günorta-gündogaryndaky Kahramanmaraş ülkesinde, şeýle hem goňşy Siriýada güýçli ýer yranmasy boldy. Soňky maglumatlara görä, iki ýurtda jemi 50 müňden gowrak adam pida boldy.

©Türkmenportal

Bellik: Türkmenportalam doly gözlemän basyberýä... Bu seýsmolog däl. Bu adam astrolog.