Şu günki okan täsirleri habarlarymyň 3-si hakynda

Sosoial ulgamda iň köp yzarlaýan saýtlarym esasy habarlar, täzelikleri goýýanlardan ybarat. Olaryňam içinde iň köp gyzygýan ugrym: syýasat, sport, edebiýat, ykdysadyýet we.ş.m

Şolardan iň täsirli hasap edýänlerimi öz dilim bilen (ýagny, resmi dil bilen däl-de), size ýetirmekçi...

1. "Lukaşenka Ukraina goşun ibermekçi bolupdyr, emma armiya muňa garşy çykypdyr"
2022-nji ýylyň dekabrynda Belarusiýanyň prezidenti Ukraina basdyryp girmäne buýruk bermekçi ekeni, emma Belarus armiýasi muňa kesgin garşy çykypdyr.
Ýokardan buýruk gelýän hem bolsa, armiya komandirleri munyň sebäbini sorapdyrlar, näme üçin Ukrain halkynyň duýdansyz duşmana öwrülendigini, näme üçin biz ol ýere basdyryp girmelidiginiň sebäbi sorapdyrlar we armiýanyň muňa taýýar däldigini duýdurypdyrlar.
Dogurdanam wezipe ygtyýarlygyňa girýänem bolsa, sen-men ýok beýle komanda beribermeli däldigini biz Russiýa mysalynda-da gördük. Ruslar 15 güniň içinde 100 müň soldat üýşürmäge buýruk berilende, milliona golaý halk aýagyny eline alyp gaçdylar.
Meni gyzykdyran ýeri, şeýle gönümel buýrukdan armiya boýun gaçyryp bilýän ekeni...


2. "Türkiýe taryhynda ilkinji gezek Merkeziň bankyň başlygyna aýal kişi bellenildi"
Ýakynda täzeden prezidentlige saýlanan Ardogan Türkiýäniň Merkezi bankynyň başlygyny aýal kişini, ýagny Hafiza Gae Erkany saýlady.
Mundan başgada Ardogan degerli 90% döwlet aparadynyň ýolbaşçylygyna täze kadrlary wezipä belledi.
Gae Erkan köp wagt Amerikada ýaşan, Goldman Sachs, Marsh McLennan вa First Republic Bank ýaly uly kompaniýalarda işlän.
Täsin ýeri, soňky 4 ýylda 4 gezek başlygy üýtgän Merkeziň bankyň täze ýolbaşçysynyň näderejede özbaşdak syýasat alyp barjagy ekspertleri gyzykdyrýar.
Ekspertleriň aýdyşyça "Ärdoganyň dolulygyna gözastyna alyp bilmeýän ýeketäk meselesi bu - ykdysadyýet". Diňe geçen ýylyň özünde Türkiýede infilýasiya 86% görkeziji berdi. Muňa garşy göreşmek üçin hökümet uzak wagtlap Merkezi bankyň stawkasyny galdyrmady. Bu bolsa köpläp ykdysadyýetçileri haýrana galdyrdy.
Umuman, Erkan hanymdan ýurdyň ykdysady ugruny üýtgedip, infilyasiya garşy göreşde ýokary derek berjegine ynanýarlar.


3. "Täjigistanda Katar emiriniň gatnaşmagynda Merkezi Aziýanyň iň uly metjitlerinden biri açyldy"
Täjigistanyň paýtagty Duşenbe şäherinde 8-nji iýunda Merkezi Aziýada iň uly metjitleriň biri uly dabara bilen açyldy.
Açylyş dabarasyna Täjigistanyň Prezidenti we häzirki wagtda Respublikada döwlet iş sapary bilen bolýan Katar emiri Tamim ibn Hamad al-Soniy gatnaşdylar. Resmi açylyş dabarasyndan soň, metjide Ymamy Agzam - Ebu Hanifa ibn Sobit adyny bermek teklip edildi.
Täze metjidiň howlusy 12 gektar ýeri eýeleýär, esasy bina 3 gektar we 3 derwezeden girelgesi bar. Metjit bir wagtyň özünde 133 müň kişini sygdyryp bilýär. Şonuň 43 müňüsi binaň içinde, galany daş töwereginde ýerleşýär.
Gurluşyga 2011-nji ýylda başlanyp, 2019-njy ýylda tamamlanypdy. Açylyşy 2020 nji ýylyň mart aýynda göz öňüne tutulýardy, emma koronowirus pandemiýasy sebäpli soňa galdyrylypdy.
Metjidiň gurluşygyna jemi 100 million dollar harçlanýar. Şonuň 30 million dollary Täjigistan hökümeti tarapyndan, 70 million dollary Katar hökümeti tarapyndan maliýeleşdirilýär.


Çeşme: Daryo.uz