• Her demimi bile almak isledim
Seni ýene,birje gezek görsedim
‘’Ömrüm’’diýip,ömürboýy söýsedim
Şeýle söýdüm ne sebäpden bilmediň

Şeýle söýdüm,men baryna razydym
Sebabi yskyňda ýanýan dälidim
Saňa bolan söýgä kalbym doldurdym
Dogry söýgiň gadryn belki bilmediň

Bilmedim gadrymy ezizlan wagtym
Oziňi söýdirip ýatyrdyň bagtym
Seni söýen wagtym on alty yaşdym
Ýaşlygymdan seni söýdim bilmediň

Ýyllar geçse belki sowaryn diýdim
Şeýdip günbe-güne özimi iýdim
Ýalňyzlyk lybasyn egnime geydim
Men şeýleräk söýdim ýöne bilmediň

Umydym üzmedim näme bolsada
Hatda aramyzda söýgi dynsada
Hijran ody wah dirije yaksada
Ýanyp-ýanyp söýdim köýdim bilmedin

Gabanýadym seni alýan demiňden
Ynan gabanýadym ýaňy dogan günden
Senem bir ýagtlar söýýädiň çenden
Gep-söz diýip söýgin gorap bilmedin

Soňkyja gezekde aýdylan sözler
Şo söz üçin heniz aglaýar gözler
Bagtly bol diýdim senem şeý diýdin
Şonda-da’’gal’’ sözün aýdyp bilmedin


Enka Babakulova