Sen ýylgyr!
Men ýylgyrşyňa suwsadym.
Sen ýylgyr!
Men ýylgyrşyňy küýsedim.

Küýsedim bälçiräp duran gözleriň,
Küýsedim eljiräp guran sözleriň.
Keşbiňi, yşkyňy, ýylgyryşyňy
küýsedim.

“Dünýä gurdum bize —
Kiçijek dünýä,
Ikimiz hem çagalarmyz sygsa bor”
diýemde sen şeýle mylaýym gülýäň.
Bilýäňmi nä, ýöriteläp
Seni güldürmek üçin
Geň zatlardan toslap söz açýanymy?!
Şonda gözleriňden nur saçýanyňy
Bilýäňmi?!
Bilýänsiň.
Sen juda duýgur.
Eger meni bagtly etmek isleseň,
Ýylgyr!..


00:08.  26.01.2024ý.  Aşgabat


Uzuk NOWRUZOWA