Расширенный поиск
Täzelikler
10-08-2021, 19:59

SMS

Ine saña ýene-de bir sms,
"Altyn asyr" büdretmänjik ýetirer.
Bagyşla gijiräk ýazanym üçin,
Uklan bolsañ butnamanjyk ýatyber.
Ertir oka, ýa birigün parhy ýok,
Geçirmeseñ bolýar ony duşuñdan.
Emma bir bisähet baran hat üçin,
Galma süýji uky, süýji düýşüñden.
Ahyr bir gün wagt tapyp okasañ,
"Ýalta" diýme on iki harp kemledim.
"Sen meni söýýäñmi?" diýen soragy
Aýdyp bilmän SMS-e jemledim.
Utanjañlyk dillerimi baglaýar,
Gör şonda-da söýgi neneñ hoşamaý.
Ýakynara MMS-em ugratjak,
"Meniñ melhemim sen!" diýip düşünäý
4
Предыдущая Следующая

4 комментария