Öñki adamlardan kim bar o taýda,

Ýaş hünärmen bolup gatnan mekdebim.

Diýip: «Halypalar sana goşaýsa»,

Çekine-çekine ätlän mekdebim.

Gurbany gitdigim, «Goçgar ata», how,

Saña mañlaý diräp, geçdik ençe ýol,

14-nji mekdep,

ýanyñ demir ýol,

Şäher durmuşynda taplan mekdebim.

O günler geçipdir keýgiñ şahynda,

Galypdyr ýatlama huşuñ gatynda,

Şol döwrüñ gapysyn gülüp açamda,

Henizem göwnümi şatlan mekdebim.

Ýaşlygym–sarç atym,

hyjuwdan doly,

Saña sapylypdyr jigermiñ ýoly.

Göwnüme, henizem çagyrýan ýaly,

Zehinim peltesin otlan mekdebim.

14.03.2020 ý.