Ömrüňde

Käteler dok, käteler aç garnyň bar,
Dünýäde näçe gün seniň ornuň bar,
Belki-de köp ynsan şu senden bizar,
Görmedik günüň ýok ýaşan ömrüňde.

Käteler birniçäň göwnüni ýykyp,
Eý ynsan güldüňmi begenip, böküp?!
Edenleriň seni gowşatdy söküp,
Görkezeniň gördüň ýaşan ömrüňde.

Ökünýäňmi?!
Ökünersiň entegem,
Käte senden akyllydyr tentegem,
Saňa şu sözlerim indi ýetigem,
Gynadyň köpini ýaşan ömrüňde.

Geçenleri düzeltmäge synanyş,
Herkime ýok bir bütinleý ýaşaýyş,
Soranyňda diýäýseler "Etjek däl!"
Mylaýymlyk bilen diýp gör "Haýyş!"

Bagyşlat özüňi entek giç dälkä,
Özüňi gowlukda görkezgin halka,
Ýakynyň gadryn bil, entek olar barka,
Birden terk ederler seni ömrüňde.

Rahymberdi Suhanow