Dünýä gelenine ýaňja 20 gün bolan Umyt jigime seredýän. Hiç gaýgy-gamy ýok(görseň gaýtadan çaga bolasyň gelýär ) , dünýäden bihabar tämiz çaga .Eýjejik kiçijik zat . Ýöne sesden beripdir Hudaýam, bir "äääää" diýip başlansa Hudaýa şükür goňşulara ýetýä sesimiz
IN ŞA ALLAH şeýdip ,ähliňiziň öýüňizde çagalaryň sesiniň ýaňlanyp durmagyny , Bu ýylda perzentsiz adamlaryňam çagaly -çugaly bolmagyny Beýik Allatagalladan dileýärin !
ähm ühm aýdýança ýene-de bir zady bellemek gerek . Aglap ýürege düşdaý :))))



Çagalañ gülküsi eredýär buzy,
Döredýär ýürekde aýdymy-sazy.
Sowuk gyş deregne getirýär ýazy,
Belent çyksyn çagalaryñ owazy .

Çagalañ gülküsi gahary ýazýar ,
Kalbyñ çuñ ýerinde öçmez ýer edýär.
Şahyr edýär goşgy gazal ýazdyrýar ,
Kalbyñda egsilmez söýgi döredýär.

Mähir bar olaryñ päk gülküsinde,
Mähir bar olaryñ her bir sözünde.
Elmydama gülki bilen ýylgyryş,
Görnüp dursun çagalaryñ ýüzünde.

Olañ gülküsi bagtyña bagt goşýar,
Şatlygyña ýene-de şatlyk goşýar .
Derýalary,deñizleri joşdurýar,
Olañ gülküsine şahyr hem joşýar.

Sähralarda ,ýaýlalarda ,dag-düzde ,
Meýdana ýañ salsyn çagalañ sesi .
Enşalla ählimiziñ öýümizde,
Ýañlanyp dursun çagalañ gülküsi

Hormatlamak bilen Enejan ŞAMYRADOWA.