SYÝAHATÇYLYK WE SAGLYK
Maýmyn mama keseli 93 ýurtda hasaba alyndy
2022-08-18
1

Bütindünýä Saglygy Goraýyş Guramasy maýmyn mama keseliniň ýaýramagynyň çaltlaşandygyny we hepdelik keseliň sanynyň dünýäde 20 göterim ýokarlandygyny mälim etdi.

Guramanyň berýän maglumatyna görä, soňky bir hepdede 7 müň 500 sany täze wakanyň ýüze çykandygyny we bu kesel bilen kesellänleriň sany 36 müň 412-ä deň boldy.

BSGG-nyň baş direktory Dr. Tedros Adhanom Gebreýesus guramanyň Ženewadaky ştab-kwartirasynda geçirilen metbugat ýygnagynda eden çykyşynda maýmyn mama keseli bilen baglanyşykly soňky wakalara baha berdi.

Gebreýesus ýylyň başyndan bäri 93 ýurtda maýmyn mama keseliniň ýüze çykandygyny belläp, 16-njy awgustda umumy sanynyň 36 müň 412 bolandygyny we wirus sebäpli 12 adamyň aradan çykandygyny mälim etdi.

Ol bu keseliň soňky hepdede giňden ýaýrandygyny belläp, hepdelik kesellänleriň sany 20 göterim artandygyny belledi.

Gebreýesus maýmyn mama keseline garşy mama keseliniň sanjymlarynyň täsirli bolup biljekdigini belledi.