Mundan birnäçe ýyl öň Garaýanyk obasyndan bir ýaşuly bilen gürrüňdeş bolupdym. Gürrüňleşip otyrkak ýaşy elli töweregi bir adam köne samoswal sürüp geçip gitdi deňämizden. Şonda ýaňky gürrüňdeş bolup otyran ýaşulym:

- Inim, hanha şol samoswalyň şafýoryny görýäňmi? Ana şol şafýor Isfendiýary öldüren adamyň ady dakylan adam - diýdi.

Menem:
- Ýaşuly, bizä isfendiýary " Eşşi öldüripdir" diýip bilýäs. Bul adamyň ady Eşşimi?-diýdim

- Ýok inim. Bu adamyň ady Eşşi däl. Onsoňam Isfendiýary "Eşşi öldüripdir" diýen gürrüňler toslama. Isfendiýary Ysmamydyň şyhlary öldürip gaýdýar. Özlerem ýedi atly bolup gidýärler. Hanyň damagyny çalanam ýaňky adamyň atasy. Bu adam şol şyhyň ady dakylan ýedinji wekil. Hana kast edeniň ady goýulanam uzak ýaşamaýan eken. Şundan öňkileriniň hemmesi ýaş wagty ölüp gidipdirler. Diňe şul adam şu ýaşa ýetip geldi - diýdi

Waka şeýleräk bolan eken. Isfendiýar gyz salgydyny salanda Ysmamydyň şyhlary namys edip ýedi atlysyny hany öldürmek üçin ugradýarlar. (Belki mundan Jüneýt hanyňam habary bolandyr. Bu ýerini bilýän ýok.) Olar köşge baryp Isfendiýary öldürip gaýdýarlar.

Şol ýaşulyň aýtmagyna görä bu wakada Eşşem, Eýmirem gatnaşmadyk.

Khanture, seň obaňdakylar bu wakany nähili gürrüň berýä?