Tagam lezzetin bilmez
Dahanyňdan diş gitmek.
Aňyrsyzy azdyrar
Götin döwlet — baş gitmek.
Şeýtan ýolun bek eýlär,
Gara ýüzün ak eýlär,
Ýüz müň günä ýok eýlär,
Säher gözden ýaş gitmek.
Peltesiz ýag çyraga —
Yşyk salmaz gyraga,
Ilin salar aýaga,
Aýak galyp, baş gitmek.
Niçe pise zar bolup,
Ýatsaň ýeg bimar bolup,
Hoşdur ýagşa ýar bolup,
Bir ýamandan daş gitmek.
Ulaşmaganlar gama,
Şükr etmezler bu deme,
Abyraýdyr adama
Ýagşy gelip, hoş gitmek