Ýazlar ýaly ýüregimde ýol ýasan,
Göwnüm gökde gizlän janaljy jümle.
El telefonyma ürç edip,arman,
Ýazyp göndererdiñ ony her günde.

Syrly bukja lowurdardy ekranda
Göýä diýýän pisint "Ýüregiñ dilsin".
Mähriban belgiden mähirli sözler:
"Gijäñ rahat bolsun!".

Göwnüm bölebilmän gamgyn göwnüñe
Bialaç üzüpdim duýgy tanapyñ.
Ne-hä salamlarma jogap berdiñ soñ,
Ne-de gözlerime gülüp garadyñ.

Gije başlananda aýyñ şüwlümi
Penjireden giñ asmana jyklaryn.
Hemem be:rin öz-özüme teselli:
"Sms-iñ gelmese-de uklaryn".

Barybir,ukylar daşlaşar menden.
Başym alyp duran tukatlyk güýjäp.
"Gijäñ rahat bolsun" ýazañok indi.
Belkem,şonuñ üçin rahat däl gijäm.

Mahym Nurgeldiýewa.

2019.