Gülçeşme...


Jeýlan gözleriňe, galam gaşyňa,
Seredip doýma ýok saňa Gülçeşme.
On ýedi, on sekiz juwan ýaşyňa,
Gyzyl gül ýaşlygyň ýaşa Gülçeşme.

Gözelleriň seresi, çöl perisi,
Ýok sen o däl, tokaýlaryň perisi,
Ýok sen o däl, deňizleriň perisi,
Gark bolaýsam, tut elimden Gülçeşme.

Saňa ýazan goşgularym näzikdir,
Sen hakda ýazmasam maňa ýazykdyr,
Saçyň bezän gyzyl-ýaşyl ýaglykdyr,
Gözelligiň tebigatdyr Gülçeşme.

Demleriňde gyzyl gülüň ysy bar,
Bedeniňde hally meňiň yzy bar,
Dur tamam däl, bu goşgynyň yzy bar,
Bal-şeker deý süýji sözüň Gülçeşme.

06.11.2021.
Ullakan sagbolsun aytyan gosgy ucin goşgynyñ awtory :)